انٹرٹینمنٹ
گاڑی پر جعلی نمبر پلیٹ لگانے پر ٹک ٹاکر ندیم نانی والا گرفتار
پولیس نے جعلی نمبر پلیٹ لگانے والے ٹک ٹاکر ندیم نانی والا کو گرفتار کرلیا۔
ایس ایچ او ڈیفنس لاہور کے مطابق ٹک ٹاکر ندیم مبارک عرف ندیم نانی والا نے اپنی گاڑی پر جعلی نمبر پلیٹ لگا رکھی تھی۔ ڈیفنس کے مین بلیوارڈ کے قریب ناکے پر چیکنگ کی گئی تو نمبرپلیٹ جعلی نکلی۔ ملزم کو موقع پر گرفتار کرلیا گیا۔
ڈیفنس پولیس نے گاڑی 804 قبضے میں لے کر پولیس کی مدعیت میں ملزم ندیم نانی والا کے خلاف مقدمہ درج کرلیا۔
