سلمان خان کے ساتھ رشتہ، شادی کے 9 سال بعد شلپا کا اعتراف
ممبئی: بالی ووڈ اداکارہ شلپا شیٹھی نے شادی کے 9 برس بعد اپنے اور سلمان خان کے تعلقات پر خاموشی توڑتے ہوئے سب کچھ سچ سچ بتادیا۔
تفصیلات کے مطابق ویب سائٹ پر شروع ہونے والے شو کی میزبانی کرتے ہوئے شلپا نے اس بات کا انکشاف کیا کہ میں اور سلمان ایک وقت میں بہت گہرے اور بہترین دوست تھے ، ہمارے درمیان دوستانہ محبت کا رشتہ ضرور تھا۔
اداکارہ کا کہنا تھا کہ جس دور میں سلمان سے میری دوستی تھی تب وہ متعدد بار آدھی رات کو میرے گھر آئے جس کے بعد ہم نے گھنٹوں باتیں کیں۔
شلپا کا کہنا تھا کہ متعدد بار ایسا بھی ہوا کہ سلمان کی آمد پر والد صاحب کی اچانک آنکھ کھل گئی جس کے بعد دونوں نے نہ صرف باتیں کیں بلکہ شراب نوشی بھی کی۔
بالی ووڈ ادکارہ کا کہنا تھا کہ والد صاحب کے انتقال کے بعد جب سلمان خان پہلی بار گھر آئے تو انہوں نے ٹیبل (جس پر دونوں گلاس رکھتے تھے) کو سیدھا کیا اور انہیں یاد کر کے کافی دیر تک زاروقطار روتے رہے۔
واضح رہے کہ دبنگ خان اور شلپا شیٹھی بالی ووڈ کی کئی فلموں میں ایک ساتھ اداکاری کرچکے ہیں، دونوں نے اوزار، گرو اور پھر ملیں گے میں کام کیا۔
شلپا اور دبنگ خان کی آخری فلم ’شادی کر کے پھنس گئے یار‘ 2006 مین ریلیز ہوئی، بعد ازاں اداکارہ نے 2009 معروف کاروباری شخصت راج کندرا سے شادی کی اور فلمی پردے سے کنارہ کشی اختیار کرلی تھی۔
