ماڈل ماہرہ خان نے کیا واقعی ترکی میں اپنے بوائے فرینڈ سلیم کریم سے منگنی کرلی؟

لاہور: پاکستانی اداکارہ و ماڈل ماہرہ خان بین الاقوامی شہرت رکھتی ہیں جس کے باعث پاکستان کے علاوہ بھارتی میڈیا کی نظریں بھی ان پر جمی رہتی ہیں۔  تاہم حال ہی میں انہوں نے ترکی کا دورہ کیا جہاں ان کی سلیم کریم کے ساتھ ایک تصویر وائرل ہوئی۔ جس پر بھارتی ویب سائٹ ” پنک ولا“ نے دعویٰ کیا کہ انہوں نے مبینہ طور پر بوائے فرینڈ کے ساتھ منگنی کرلی ہے۔ تاہم اب اس کی اصل حقیقت سامنے آگئی ہے ۔

ایکسپریس ٹریبون کی رپورٹ کے مطابق بھارتی ویب سائٹ ’ پنک ولا ‘ نے ماہرہ خان کی تصویر شیئر کی اور دعویٰ کیا کہ انہوں نے اپنے بوائے فرینڈ کے ساتھ منگنی کرلی ہے۔ جس کی اداکارہ کے قریبی ذرائع کی جانب سے تردید کر دی گئی ہے۔

یہ بھی پڑھیں: ماہرہ خان کی فلم کے ریلیز سے پہلے ہی چرچے، بالی وڈ کو بھی پیچھے چھوڑ دیا

تصویر میں ماہرہ خان نے سفید رنگ کا انتہائی خوبصورت لباس زیب تن کیا تھا جبکہ سلیم کریم نے کالے رنگ کا سوٹ پہن رکھا تھا۔ تاہم اس تصویر کے بارے میں یہ تصویر ایک پارٹی کے دوران لی گئی جہاں دونوں کو ایک ساتھ ڈانس کرتے ہوئے دیکھا گیا۔

ایکسپریس ٹریبون نے ماہرہ خان کے قریبی ذرائع کے حوالے کہاہے کہ اداکارہ نے اس طرح کی تمام افواہوں کی تردید کر دی ہے اور کہا کہ ” یہ صرف ایک افواہ ہے۔ وہ وہاں پر ایک دوست کی شادی کی تقریب میں شرکت کیلئے گئیں تھی۔ “ ماہرہ خان کی جانب سے اس شادی میں شرکت کی تصویر بھی انسٹا گرام پر شیئر کی گئی تھی۔

اس سے قبل ماہرہ خان کی بیرون ملک سے بھارتی اداکار رنبیر کپور کے ساتھ ایک تصویر وائرل ہوئی تھی۔ جس میں وہ سفید رنگ کا مختصر لباس پہنے ہوئے ان کے ساتھ کھڑی تھی۔ ماہرہ کو اس تصویر پر سوشل میڈیا پر کافی تنقید کا بھی سامنا کرنا پڑا تھا۔ تاہم وقت گزرنے کے ساتھ یہ تنازع بھی ختم ہوگیا۔