گلوکارہ رابی پیرزادہ کی شوبز سے کنارہ کشی

لاہور: گلوکارہ رابی پیر زادہ نے شوبز سے کنارہ کشی کا اعلان کردیا

گلوکارہ رابی پیرزادہ نے سماجی رابطے کی ویب سائٹ ٹویٹر پر اپنے پیغام میں اعلان کیا ہے کہ وہ شوبز سے کنارہ کشی اختیار کررہی ہیں۔

میں رابی پیرذادہ شوبز سے کنارہ کشی اختیار کرتی ہوں ۔ اللہ تعالیٰ میرے گناہوں کو معاف کرے۔ اور میرے حق میں لوگوں کا دل نرم کرے۔

وَتُعِزُ مَن تَشَاء وَتُذِلُ مَن تَشَاء#SaveaSoul

— Rabi Pirzada (@Rabipirzada) November 4, 2019

انہوں نے اپنے پیغام میں اللہ سے اپنے گناہوں کی معافی بھی طلب کی اور ساتھ ہی لکھا کہ اللہ ان کے حق میں لوگوں کا دل نرم کرے۔

رابی پیرزادہ نے اپنے پیغام کے آخر میں لکھا کہ اللہ پاک جسے چاہے عزت دے اور جسے چاہے ذلت دے، انہوں نے اپنے ٹویٹ میں ’سیو اے سول‘ ہیش ٹیگ بھی استعمال کیا۔

رابی پیرزادہ نے 2005 میں اپنے گانے ’داہدی کُڑی‘ سے ڈیبیو کیا، ان کے گانے ’مجھے عشق ہے‘ اور ’جادو‘ بھی بے حد مقبول ہوئے تھے۔