وینا کو راہ راست پر لانے کے لیے شادی کی مگر۔۔۔۔۔۔۔۔
اداکارہ وینا ملک کے سابق شوہر اسد خٹک نے دعویٰ کیا ہے کہ وینا بھٹکی ہوئی عورت تھی۔
اسد خٹک کے شوہر نے ٹوئٹر پر جاری کردہ اپنی دو مختصر ویڈیوز میں پہلی بار انکشاف کیا کہ انہوں نے کیوں وینا ملک سے شادی کی اور کن حالات میں انہوں نے شادی کی۔
اداکارہ وینا ملک کے سابق شوہر اسد خٹک نے دعویٰ کیا ہے کہ وینا بھٹکی ہوئی عورت تھی۔
اسد خٹک نے دعویٰ کیا ہے کہ انہوں نے اداکارہ کو ’راہ راست‘ پر لانے کے لیے ان سے شادی کی مگر ان کی کوششیں رائیگاں گئیں۔
اسد خٹک اور وینا ملک نے 25 دسمبر 2013 کو شادی کی تھی اور دونوں کے دو بچے بھی ہیں، تاہم تعلقات خراب ہونے پر دونوں میں محض 4 سال بعد 2017 کو طلاق ہوگئی تھی۔
اب دونوں کے درمیان بچوں کی حوالگی سے متعلق سوشل میڈیا پر جنگ جاری ہے اور دونوں ایک دوسرے پر سنگین الزامات لگاتے آ رہے ہیں۔
دونوں کا دعویٰ ہے کہ دونوں نے ایک دوسرے کو قانونی نوٹس بھی بھجوا رکھے ہیں، تاہم تاحال دونوں نے ایک دوسرے کے قانونی نوٹسز ملنے کی تصدیق نہیں کی۔
اسد خٹک اس وقت امریکا میں مقیم ہیں اور ان کے پاس دبئی کی شہریت بھی ہے، ان کا دعویٰ ہے کہ وینا ملک متحدہ عرب امارات (یو اے ای) کی ریاست دبئی میں موجود پاکستانی قونصل خانے کی مدد سے ان کے امریکی و یو اے ای شہریت رکھنے والے دونوں بچوں کو اغوا کرکے پاکستان لے گئی ہیں۔
جب کہ وینا ملک کا دعویٰ ہے کہ دبئی و پاکستان کی عدالتوں نے بچوں کی پرورش ان کے ذمے کر رکھی ہے، جس کی وجہ سے وہ عدالتی احکامات کی روشنی میں بچوں کو اپنے ساتھ لے آئی ہیں۔
اسی معاملے پر دونوں میں گزشتہ چند ہفتوں سے سوشل میڈیا پر جنگ جاری ہے اور دونوں ایک دوسرے خلاف کئی دعوے اور انکشافات کرتے دکھائی دیتے ہیں۔
ٱلسَّلَامُ عَلَيْكُمْ، میرے پیارے بہن بھائیوں اور بزورگوں، آپ سب کا بہت بہت شکر گزر ہوں کہ آپ لوگ میرے بچوں کو انصاف دلانے کے لیے میرے ساتھ کھڑے ہوئے ہیں اس عورت کے خلاف جو نہ بیٹی بن سکی نہ بیوی اور نہ ہی ماں 1/2 pic.twitter.com/bfmC5EwZfH
— Asad Khattak (@asadbashirr) November 29, 2020
گزشتہ ماہ اسد خٹک مبینہ طور پر وینا ملک کی ایک آڈیو کلپ بھی سامنے لے آئے تھے، جس میں وہ انہیں مغلظات دینے سمیت ان کی والدہ اور بہنوں کو اٹھوانے کی دھمکیان دیتی دکھائی دیں۔
اور اب اسد خٹک نے دو مختصر ویڈیوز میں بتایا کہ انہوں نے وینا ملک سے کب اور کیوں شادی کی؟
2/2 جس نے ماں جیسے پاکیزہ رشتے کو بھی داغدار کرنے میں کوئی کسر نہیں چھوڑی۔آپ سب جاننا چاھتے ہےکہ میں نے زاہدہ بی بی عرف وینا ملک سےکیوں شادی کی۔میں نے اپنے ویڈیو پیغام میں وجہ بتا دی۔ پلیز میرے بچوں کو انصاف دینے کے لیے میرا ساتھ دیں۔اللّه پاک انصاف کرنے والوں کو پسند فرماتے ہے pic.twitter.com/SrQWp1RjwO
— Asad Khattak (@asadbashirr) November 29, 2020
اسد خٹک نے بتایا کہ ملاقات کے 8 دن بعد ہی ان دونوں نے شادی کرلی اور انہوں نے وینا ملک سے صرف اس لیے شادی کی، کیوں کہ وہ انہیں راہ راست پر لانا چاہتے تھے۔
اسد خٹک نے دعویٰ کیا کہ وینا ملک نے بھی انہیں بتایا تھا کہ وہ اسلام کی خاطر اداکاری چھوڑنا چاہتی ہیں۔
اسد خٹک نے یہ دعویٰ بھی کیا کہ انہوں نے اور دیگر علما نے وینا ملک کو راہ راست پر لانے کی خوب کوشش کی مگر ایسا نہ ہوسکا، کیوں کہ اداکارہ نے ان سے جھوٹ اور صرف جھوٹ ہی بولا۔
