ابھرتی ہوئی اداکارہ عائزہ اعوان کو ان کی پہلی محبت پر مبارکباد

ٹی وی کی ابھرتی ہوئی اداکارہ عائزہ اعوان کو اپنی پہلی محبت مل گئی، سوشل میڈیا پیغام کے ذریعے اداکارہ نے یہ اعلان کیا۔

ڈرامہ سیریل ‘فریاد‘ میں اداکاری کے جوہر دکھانے والی ادکارہ عائزہ اعوان نے ہاتھ پر ہاتھ رکھے ایک تصویر جاری کی۔

اداکارہ نے تصویر میں موجود اپنی پہلی محبت کے حوالے سے مزید کچھ نہیں بتایا ۔

اداکارہ نے یہ تصویر شیئرکرتے ہوئے کیپشن میں لکھا کہ ’زندگی میں سب سے بہتر چیز ایک دوسرے کا ساتھ برقرار رکھنا ہے۔‘

عائزہ کے مداح یہ تصویر دیکھنے کے بعد اس جستجو میں ہیں کہ ادکارہ کس کے ساتھ رشتۂ ازدواج میں منسلک ہونے کا ارادہ رکھتی ہیں۔