آمنہ الیاس نے شوبز انڈسٹری کے معروف میک اپ آرٹسٹ کو آگ لگا دی
پاکستان کی معروف ماڈل و اداکارہ آمنہ الیاس نے شوبز انڈسٹری کے معروف میک اپ آرٹسٹ کو آگ لگا دی ہے۔
آمنہ الیاس کو اُن کی نئی ویڈیو میں اپنے پاس ہی بیٹھے دوست، مشہور میک آرٹسٹ ارشد خان کو نادانی میں آگ لگاتے ہوئے دیکھا جا سکتا ہے۔
آمنہ الیاس کی ویڈیو میں دیکھا جا سکتا ہے کہ اُن کا دوست لائٹر سے سیگریٹ جلانے کی کوشش کر رہا ہے مگر اُن کے لائٹر سے آگ نکل نہیں رہی ہے جبکہ پاس بیٹھی آمنہ الیاس کو مچھر کاٹ رہے ہیں ۔
آمنہ الیاس مچھروں سے بچنے کے لیے ’موسکیٹو اسپرے‘ کر دیتی ہیں جس کے نتیجے میں اُن کے دوست کا لائٹر آگ پکڑ لیتا ہے اور وہ آگ کی زد میں آ جاتے ہیں۔
View this post on Instagram
اس مزاحیہ ویڈیو پر تا حال آمنہ الیاس کے مداحوں کی جانب سے ہزاروں لائیکس آ چکے ہیں۔
جبکہ کمنٹ باکس میں مداحوں کا آمنہ الیاس کی ان ویڈیو کی تعریف کرتے ہوئے کہنا ہے کہ وہ بہت اچھی ویڈیوز بنانے لگ گئی ہیں۔
واضح رہے آمنہ الیاس سوشل میڈیا پلیٹ فارم انسٹا گرام پر انتہائی متحرک نظر آتی ہیں اور آئے دن اپنی مختصر سی ویڈیوز کی بدولت معاشرے کو مثبت پیغام دیتے اور ہنساتے ہوئے نظر آتی ہیں۔
