حریم شاہ کی بھارتی اداکار گووندا کے ہمراہ ویڈیو کے چرچے سوشل میڈیا پر وائرل
پاکستان کی معروف ٹک ٹاک اسٹار اور اداکارہ حریم شاہ کی بھارتی اداکار گووندا کے ہمراہ ویڈیو کے چرچے سوشل میڈیا پر چل رہے ہیں۔
ٹک ٹاکر حریم شاہ کی اب بھارتی فلم اسٹار گووندا کے ہمراہ ویڈیو سوشل میڈیا پر زیرگردش ہے۔
View this post on Instagram
اداکارہ نے یہ ویڈیو مختصر ویڈیو شیئرنگ ایپ اسنیک ویڈیوز پر بنائی، اور اپنے انسٹاگرام اکاؤنٹ پر شیئر بھی کی ہے۔
حریم شاہ نے یہ ویڈیو شیئر کرتے ہوئے اپنی دیگر پوسٹس کی طرح اس پر بھی کمنٹ سیکشن بند کر رکھا ہے جس کا مطلب یہ ہے کہ کوئی بھی انسٹاگرام صارف ان کی پوسٹ پر کمنٹ کر کے اپنا اظہارِ خیال نہیں کرسکتا۔
حریم شاہ کی جانب سے گووندا کے ہمراہ دو ویڈیوز شیئر کی گئی ہیں
View this post on Instagram
تاہم یہ نہیں معلوم کہ آیا وہ ان کے ہمراہ کسی پراجیکٹ میں مصروف ہیں یا بس انہوں نے بطور مداح گووندا سے ملاقات کی ہے۔
ویڈیوز میں حریم شاہ کے ہمراہ ان کی قریبی دوست صندل خٹک بھی موجود ہیں۔
ویڈیو میں دیکھا جاسکتا ہے کہ صندل خٹک اور حریم شاہ کے ہمراہ گووندا سیلفیز لینے میں مصروف ہیں۔
واضح رہے کہ حریم شاہ نے ویب سیریز ’راز‘ سے اداکاری کی دنیا میں بھی قدم رکھ لیا ہے۔
ویب سیریز ’راز‘ کے 55 سیکنڈ دورانیے پر مشتمل ٹریلر میں حریم شاہ کی مفتی عبدالقوی کو تھپڑ مارنے کی ویڈیو بھی شامل ہے۔
’راز‘ کی ہدایتکاری اسد علی زیدی نے دی ہے، یہ ویب سریز اردو فلکس پر پیش کی جائیگی ۔
