بالی ووڈ اداکارہ کنگنا رناوت کورونا وائرس کا شکار

کنگنا رناوت کا کورونا ٹیسٹ مثبت آیا ہے اداکارہ نے اپنا کورونا ٹیسٹ مثبت آنے کی تصدیق سوشل میڈیا پر کرتے ہوئے کہا کہ گزشتہ روز ان کا ٹیسٹ کیا گیا جس کا نتیجہ مثبت آیا

گزشتہ کچھ دنوں سے انہیں کمزوری محسوس ہورہی تھی اور آنکھوں میں بھی ہلکی جلن تھی ٹیسٹ کروانے پر رزلٹ مثبت آیا کنگنا نے خود کو قرنطینہ کرلیا ہے۔

انہوں نے کہا مجھے اندازہ نہیں تھا کہ یہ وائرس میرے جسم میں موجود ہے لیکن مجھے معلوم ہے میں اسے ہرا دوں گی۔

یہ بھی پڑھٰیں: کورونا ٹیسٹ مثبت آنے پر نرس نے اپنی زندگی کا خاتمہ کرلیا

کنگنا نے لوگوں سے کہا اگر آپ اس وائرس سے خوفزدہ ہوں گے تو یہ آپ کو مزید خوفزدہ کرے گا آئیں اس کووڈ 19 کو تباہ کریں یہ سوائے چھوٹے سے وقتی فلو کے اور کچھ نہیں ہے جس کی وجہ سے بہت زیادہ دباؤ پڑگیا ہے۔

بھارت میں کورونا وبا کی صورتحال انتہائی سنگین ہوچکی ہے وہاں روزانہ کی بنیاد پر لاکھوں مثبت کیسز رپورٹ ہورہے ہیں جب کہ ہلاکتوں کی تعداد بھی ہزاروں میں ہے

بالی ووڈ کے کئی ستارے کورونا وائرس کا شکار ہوچکے ہیں جن میں دپیکا پاڈوکون، عالیہ بھٹ، کترینہ کیف، رنبیر کپور، اکشے کمار، شلپاشیٹھی وغیرہ شامل ہیں جب کہ کئی فنکار اس وائرس کے باعث جان سے ہاتھ دھوبیٹھے ہیں۔