آج بھی بولڈ کردار ادا کرنے کی پیش کی جاتی ہے
ملیکا شراوت نے کہا ہے کہ انہیں اب بھی بھاری معاوضے کے عوض فلموں میں ’گلیمر، نامناسب اور بولڈ‘ کردار ادا کرنے کی پیش کی جاتی ہے۔
ملیکا شراوت نے کہا کہ شادی سے پہلے‘ جیسی فلموں میں اداکاری کرنے والی اداکارہ کے مطابق اب اگرچہ لوگوں اور فلم سازوں کی سوچ بدل چکی ہے لیکن اس کے باوجود انہیں ماضی جیسے ہی بولڈ اور نامناسب کرداروں کی پیش کش ہوتی ہے۔
View this post on Instagram
ٹائمز آف انڈیا کو دیے گئے انٹرویو میں ملیکا شراوت نے کہا کہ انہیں فلم انڈسٹری میں 17 سال ہوچکے مگر انہیں بولڈ اور گلیمر کرداروں کے علاوہ دوسرے کرداروں کی انتہائی کم پیش کش کی جاتی ہے۔
ملیکا شراوت کا کہنا تھا کہ انہوں نے جب 17 سال قبل 2004 کی فلم ’مرڈر‘ میں بولڈ اداکاری کی تھی، تب انہیں ’گندی اور بری عورت‘ کہا گیا تھا اور لوگ انہیں اچھی نظروں سے نہیں دیکھتے تھے۔
اداکارہ کا کہنا تھا کہ ’مرڈر‘ میں اداکاری کے بعد اخلاقی طور پر ایک طرح سے ان کا قتل ہی کردیا گیا تھا مگر اب فلم دیکھنے اور فلم بنانے والوں کی سوچ بدل چکی ہے۔
ملیکا شراوت کے مطابق ماضی میں جو مناظر یا باتیں معیوب سمجھی جاتی تھیں اب وہ ہر فلم میں ہوتی ہیں اور شائقین بھی انہیں دیکھ کر کوئی رد عمل نہیں دیتے یا حیرانی کا اظہار نہیں کرتے۔
فلموں میں خود کو مخصوص کردار دیے جانے کے سوال پر انہوں نے بے بسی کا اظہار کرتے ہوئے کہا کہ انہیں آج بھی فلم ساز زیادہ تر بولڈ کرداروں کی پیش کش کرتے ہیں، جس کے بدلے میں انہیں بھاری معاوضے کی پیش کش کی جاتی ہے۔
