انٹرٹینمنٹ
اداکارہ ریشم نے بھی کورونا ویکسین لگوالی
لاہور: پاکستان فلم انڈسٹری کی صف اول کی اداکارہ ریشم نے بھی کورونا ویکسین لگوالی ہے۔
سوشل میڈیا رپورٹس کے مطابق ریشم نے سماجی رابطے کی ویب سائٹ انسٹاگرام پر جاری اپنے تفصیلی پیغام میں کہاکہ کہ خیر خواہ حکومت کو ہی اپنی عوام کی صحت کا اس درجہ خیال ہوسکتا ہے جیسا کہ اس موجودہ حکومت نے ثابت کیا ہے۔
View this post on Instagram
فلم اسٹار نے ویکسی نیشن سینٹرزکے بارے میں بات کرتے ہوئے کہاکہ لوگ یہ سمجھ رہے تھے کہ شاید ویکسین لگوانے کے لئے انہیں افراتفری کا سامنا کرنا پڑے گا، حکومتی سطح پر بہترین اقدامات کی بدولت آج وہ سبھی لوگ مطمئن ہیں۔
ریشم نے عوام سے اپیل کرتے ہوئے کہاکہ اس وقت ویکسین لگانا بے حد ضروری ہے۔ صحت کے معاملے میں کسی بھی قسم کی غفلت نہ برتیں کیونکہ آپ کی ذرا سی غفلت آپ کی یا آپ کے گھر والوں کی زندگی کا چراغ گُل کر سکتی ہے۔
