اداکارہ کرشمہ کپور کا سابق شوہر سنجے کپور پر بڑا الزام
ممبئی : بالی ووڈ کی ہیروئن کرشمہ کپور نے اپنے سابق شوہر سنجے کپور پر بڑا الزام لگایا ۔
بالی ووڈ ہیروئن کرشمہ کپور ازدواجی زندگی میں کامیابی نہ لا سکی اور ان کی شادی 13 سال رہنے کے بعد 2016میں ختم ہو گئی ۔
کرشمہ کپور کو محبت میں دو مرتبہ دھوکہ ملا جس کے بعد انہوں نے سنجے کپور سے شادی کر لی ، سنجے کپور پہلے شادی شدہ تھے لیکن انہوں نے پہلی بیوی سے علیحدگی کے بعد کرشمہ سے شادی کر لی ، سنجے کے ساتھ شادی نے کرشمہ کی زندگی میں بہت بڑی تبدیلیاں رونما کر دیں ۔
کرشمہ کپور نے 2012 میں شوہر سنجے کپور سے الگ رہنا شرو ع کر دیا تھا لیکن ان کی طلاق 2016 میں ہوئی ۔
کرشمہ کپور نے شادی ٹوٹنے کے لمبے عرصہ کے بعد خاموشی توڑی اور سنجے کپور پر خوفناک الزامات کی بارش کر دی ، کرشمہ نے اپنے سابق شوہر پر ہنی مون کے دوران دوستوں کے سامنے بولی لگوانے کا بھی الزام لگایا ۔
View this post on Instagram
ماضی میں دیئے گئے انٹرویو میں کرشمہ کا کہناتھا کہ سنجے نے شادی کے کچھ عرصہ بعد ہی تشدد کرنا شروع کر دیا تھا ، جب میں اپنے شوہر کے ساتھ ہنی مون پر تھی تو سنجے نے اپنے دوستوں کے ساتھ ایک رات سونے کیلئے مجھ پر دباﺅ ڈالا لیکن میں نے انکار کر دیا جس پر سنجے نے مجھے تشدد کا نشانہ بنایا ۔ کرشمہ کپور کا کہناتھا کہ یہاں تک کہ سنجے نے اپنے دوستوں کے سامنے میری بولی تک لگائی
کرشمہ کے الزامات کے بادل صرف یہیں تک نہیں برسے بلکہ انہوں نے مزید کہا کہ صرف سنجے ہی نہیں بلکہ ان کی ماں اور میری ساس بھی مجھ پر ظلم کیا کرتی تھیں ۔سنجے کپور سے طلاق کے بعد کرشمہ کپور اپنے بچوں کو پروان چڑھا رہی ہیں ، دونوں بچوں کی ذ مہ داری اداکارہ نے ہی اٹھا رہی ہے ، بچوں کی بھلائی کیلئے سنجے اور کرشم کپور نے آپسی رنجشوں کو ایک طرف رکھتے ہوئے تعلق کو معمول پر لانے کی کوشش کی تاکہ ان کے بچوں کو توجہ مل سکے ۔
