ویکسین لگوانا ایک شہری کی حیثیت سے ہماری ذمہ داری ہے
اداکارہ عائزہ خان نے کورونا ویکسین سرٹیفکیٹ کی تصویر پوسٹ کرنے پر مذاق اڑانے والے صارف کو چپ کروادیا۔
اداکارہ نے اپنے انسٹاگرام اکاؤنٹ پر عالمی وبا کورونا وائرس سے بچاؤ کی ویکسنیشن لگوانے کے بعد اپنے کورونا ویکسینیشن سرٹیفکیٹ کی تصویر پوسٹ کی تھی۔
اداکارہ کی اس پوسٹ پر ایک صارف نے کمنٹ کیا کہ ’دنیا کو بتانا لازمی ہے کیا۔‘
View this post on Instagram
عام طور پر فنکاروں کی جانب سے صارفین کے کسی کمنٹ کا جواب نہیں دیا جاتا لیکن عائزہ خان نے صارف کو جواب دیتے ہوئے لکھا کہ ہاں! چونکہ ویکسین لگوانا ایک شہری کی حیثیت سے ہماری ذمہ داری ہے اور بااثر شخصیت کے طور پر میں نے دنیا کو دکھانا ہے کہ ہاں ہماری زندگیاں اہم ہیں۔
انہوں نے لکھا کہ ’یہ سب لکھنے کے بجائے براہ کرم جاکر ویکسین لگوائیں اور ہاں اس سرٹیفکیٹ کو دکھائے بغیر آپ کو کہیں جانے کی اجازت نہیں ہوگی۔‘
عائزہ خان نے لکھا کہ اور ہمیں ایک کدوسرے کو یاد دلاتے رہنا ہے کہ وہ ویکسین لگوائیں، حکومت نے دوبارہ لاک ڈاؤن شروع کردیا، ہمارے پیارے لوگ اپنی زندگیاں کھو رہے ہیں۔
اداکارہ نے لکھا کہ ’وقت پہلے جیسا نہیں رہا، ہمارے بچے اسکول نہیں جارہے ہیں، لوگ نوکریاں کھورہے ہیں، کاروبار بند ہورہے ہیں اور پھر بھی ہم ہر چیز سے لاعلم ہیں۔
