میرے حوالے سے بہت سی افواہیں اور بے سروپا باتیں کی جاتی ہیں

آپ تصور کرسکتے ہیں کہ رولس رائس کمپنی مجھے کار فروخت سے انکار کرے

بالی ووڈ  کی بولڈ اداکارہ ملیکا شیراوت نے اس افواہ پر اپنے ردعمل کا اظہار کیا ہے جس میں کہا جارہا تھا کہ رولس رائس نے انھیں کار فروخت کرنے سےا نکار کردیا ہے۔

ٹی وی شو میں شرکت کے موقع پر جب ان سے پروگرام کی میزبان مندرہ بیدی نے اس حوالے سے پوچھا تو ملیکا شیراوت نے کہا کہ یہ بات مضحکہ خیز ہے۔

انکا مزید کہنا تھا کہ ان کے حوالے سے بہت سی افواہیں اور بے سروپا باتیں کی جاتی ہیں۔ انھوں نے کہا کہ مجھے تو حقیقتاً ان افواہوں کے بارے میں کچھ پتا ہی نہیں۔

انھوں نے اس موقع پر گوسپ کالمسٹ پر کڑی تنقید کی اور کہا کہ یہ لوگ خود کو صحافی کہلواتے ہیں، ملیکا شیراوت نے کہا کہ ان کے بارے میں متعدد گوسپ آئٹم ہیں۔

ملیکا شیراوت نے انکشاف کیا کہ ایک خاص صحافی تو انھیں ہدف بناتا رہتا ہے اسکی وجہ یہ ہے کہ انھوں نے اسے اپنے حق میں لکھوانے کے لیے تحائف دینے سے انکار کردیا تھا۔