حقیقی معنوں میں خوبصورت ہوں، درفشاں
اداکارہ درفشاں نے کہا کہ سوشل میڈیا پر اپنی تصاویر کو ایڈٹ نہیں کرتیں بلکہ وہ حقیقی معنوں میں ہی اتنی خوبصورت ہیں۔
درفشاں سوشل میڈیا اور خاص طور پر شیئرنگ ایپلی کیشن انسٹاگرام پر متحرک رہتی ہیں اور وہاں تصاویر و ویڈیوز شیئر کرتی رہتی ہیں۔
حال ہی میں انہوں نے اپنی کچھ تصاویر شیئر کیں تو بعض مداحوں ان کی تصاویر کو ایڈٹ شدہ قرار دیتے ہوئے کہا کہ شوبز شخصیات جعلی تصاویر کے ذریعے اپنی خوبصورتی کی تشہیر کرکے دوسروں کو پریشان کردیتی ہیں۔
درفشاں کی تصاویر پر زویا ناصر نامی لڑکی کے اکاؤنٹ سے کیے گئے کمنٹ میں اداکارہ کی تصاویر کو ایڈٹ شدہ قرار دیا گیا۔
زویا ناصر نے اپنے کمنٹ میں لکھا کہ انہوں نے درفشاں کی ایک تصویر کو ویڈنگ فوٹوگرافر کے اکاؤنٹ پر دیکھا اور ساتھ ہی سوال کیا کہ شوبز شخصیات تصاویر کو ایڈٹ کرکے خود کو اتنا خوبصورت کیوں پیش کرتی ہیں؟
View this post on Instagram
لڑکی نے لکھا کہ تصاویر کو ایڈٹ کرکے شیئر کرنے کا عمل شوبز شخصیات کی پریشانی کو ظاہر کرتا ہے اور یہ عمل درست بھی نہیں کہ خوبصورتی کو جعلی طریقے سے بڑھایا جائے۔
ساتھ ہی زویا ناصر نامی لڑکی نے در فشاں کو اپنے کمنٹ میں مینشن کیا، جس پر اداکارہ نے انہیں پیار بھرا جواب بھی دیا۔
درفشاں نے اپنے کمنٹ میں واضح کیا کہ ان کی مذکورہ تصویر ایڈٹ شدہ نہیں ہے اور نہ ہی وہ اپنی دوسری تصاویر کو ایڈٹ کرتی ہیں۔
View this post on Instagram
اداکارہ نے واضح کیا کہ مذکورہ تصویر کو انہوں نے ایسے منفرد زاویے سے کھینچا ہے کہ ایسا محسوس ہوتا ہے کہ اسے ایڈٹ کیا گیا ہے۔
درفشاں کے مطابق وہ جتنی تصویر میں خوبصورت ہیں، حقیقت میں بھی اتنی ہی حسین ہیں اور یہ کہ اپنی جسامت کو حقیقی معنوں میں تسلیم کرنے سے بڑھ کر اور کوئی بھی خوبصورت بات نہیں۔
View this post on Instagram
یہ پہلا موقع نہیں کہ کسی اداکارہ پر الزام لگایا گیا ہو کہ وہ سوشل میڈیا پر شیئر کی گئی تصاویر کو ایڈٹ کرکے شیئر کرتی ہیں، اس سے قبل بھی متعدد اداکاراؤں پر ایسے الزام لگ چکے ہیں۔
درفشاں نے چند سال قبل اداکاری کا آغاز کیا تھا اور ابتدائی طور پر انہیں معاون کردار دیے گئے۔
درفشاں کا تعلق لاہور سے ہے، تاہم شوبز میں جگہ بنانے کے لیے وہ کچھ عرصہ قبل کراچی منتقل ہوئی تھیں۔
انہوں نے برطانیہ سے اعلیٰ تعلیم حاصل کر رکھی ہے، حالیہ چند ڈراموں میں شاندار اداکاری کرنے سے انہیں کافی شہرت ملی ہے۔
