فلم ’ریڈ نوٹس‘ نیٹ فلکس کی تاریخ کی سب سے بڑی فلم
فلم ’ریڈ نوٹس‘ نیٹ فلکس کی سب سے زیادہ دیکھی جانے والی فلم قرار پائی
دنیا بھر میں ’ریڈ نوٹس‘ نیٹ فلکس کی سب سے زیادہ دیکھی جانے والی فلم بن گئی
رپورٹ کے مطابق ڈوین جانسن، ریان رینلڈز اور گیل گیڈوٹ کی اداکاری میں بننے والی اس ایکشن فلم کو دنیا بھر میں 32 کروڑ 80 لاکھ سے زائد گھنٹے دیکھا گیا ہے۔ اس سے قبل یہ اعزاز فلم ’برڈ باکس‘ کو حاصل تھا جسے دنیا بھر میں 28 کروڑ 20 لاکھ گھنٹے دیکھا گیا۔
View this post on Instagram
پچھلے ہفتے نیٹ فلکس نے اعلان کیا تھا کہ ریڈ نوٹس نے اپنے افتتاحی دن پر ہی سب سے زبردست آغاز کیا۔ ریڈ نوٹس کے سامعین کا اسکور 92 فیصد ہے۔
امریکی اداکار ڈوین جانسن نے انسٹاگرام پر خوشی کا اظہار کرتے ہوئے لکھا کہ ’ریڈ نوٹس اب نیٹ فلکس کی تاریخ میں سب سے زیادہ دیکھی جانے والی فلم ہے جو اسے باضابطہ طور پر اسٹریمنگ میں نمبر 1 ’آل ٹائم مووی‘ بناتی ہے۔
View this post on Instagram
اداکارہ گیل گیڈوٹ کہتی ہیں کہ میں آپ لوگوں کو بتا نہیں سکتی کہ میں کتنی خوش ہوں اور کس قدر اچھا محسوس کر رہی ہوں، آپ لوگوں نے ہماری فلم کو نیٹ فلکس کی تاریخ کی سب سے بڑی فلم بنا دیا، آپ کی محبت کا مطلب پوری دنیا ہے اور اس محبت کی ہمیشہ قدر کی جائے گی۔
