محکمہ داخلہ سندھ نے کورونا سے متعلق نیا حکم نامہ جاری کردیا

کراچی:  محکمہ داخلہ کی جانب سے 19 جنوری کی پابندیاں برقرار رکھنے کا فیصلہ کیا ہے۔ 

سندھ میں کورونا ایس او پیز سے متعلق محکمہ داخلہ نے نیا حکم نامہ جاری کردیا ہے، محکمہ داخلہ کی جانب سے 19 جنوری کی پابندیاں برقرار رکھنے کا فیصلہ کیا ہے۔

محکمہ داخلہ سندھ کے مطابق نئے حکم نامے کے تحت پابندیاں 21 فروری تک برقرار رہیں گی، کراچی اور حیدرآباد میں ان ڈور ڈائننگ پر پابندی رہے گی، ان ڈور شادی اور دیگر تقریبات پر بھی پابندی ہوگی۔

محکمہ داخلہ سندھ کا کہنا ہے کہ آؤٹ ڈور تقریبات میں ویکسی نیٹڈ 300 افراد کو شرکت کی اجازت ہو گی، سنیما گھروں، مزارات اور تفریحی پارکس میں 50 فیصد افراد کے داخلے کی اجازت ہوگی۔

نوٹیفکیشن کے مطابق کراچی اور حیدرآباد میں کبڈی، کراٹے، باکسنگ جیسے کھیلوں پر پابندی رہے گی۔