عدم اعتماد کی حمایت کرنے والوں کو عوام کا سامنا کرنا پڑے گا: فواد چودھری

اسلام آباد: لندن میں ایک شخص عالمی اسٹیبلشمنٹ کیساتھ مل کر سازش کر رہا ہے

وفاقی وزیر اطلاعات فواد چودھری کا میڈیا سے گفتگو کرتے ہوئے کہنا تھا کہ عدم اعتماد کی حمایت کرنے والوں کو عوام کا سامنا کرنا پڑے گا، عمران خان نہیں پاکستان کے عوام کے خلاف سازش ہورہی ہے، کل کے جلسے کے بعد کہنا چاہتا ہوں انہیں 20 کروڑ لوگوں میں سے گزر کر جانا ہوگا۔

فواد چودھری کا کہنا تھا کہ عوام نے عمران خان کی آواز پر لبیک کہا، لندن میں ایک شخص عالمی اسٹیبلشمنٹ کیساتھ مل کر سازش کر رہا ہے، وہ عالمی سازشوں کے پیش نظر لوگوں سے ملاقاتیں کررہا ہے۔

ان کا کہنا تھا کہ پی ڈی ایم کے رہنما پتلیاں ہیں ان کا سرغنہ لندن میں ہے، عمران خان انٹر نیشنل سازش کو بے نقاب کر رہے ہیں۔