پاکستانی عوام اور بیرون ملک پاکستانیوں نے پی ٹی آئی کا ساتھ دیا ہے

اسلام آباد :  ہم الیکشن کمیشن سے گھبرانے والے نہیں ، ہمارا دامن صاف ہے۔

الیکشن کمیشن کے باہر شاہ محمود قریشی نے میڈیا سے بات کرتے ہوئے کہا کہ پی ٹی آئی فارن فنڈنگ کیس میں پی ٹی آئی کے وکیل نے دلائل کے لیے مزید تین دن درکار ہیں۔ سارا فوکس پی ٹی آئی پر کیا جارہا ہے ہم الیکشن کمیشن سے گھبرانے والے نہیں ہیں۔

انہوں نے کہا کہ ہم تو الیکشن کمیشن میں حاضر ہیں، دیگر سیاسی جماعتوں کا کیا ہوگا؟ دیگر سیاسی جماعتوں کو بھی بلایا جائے۔ اس کیس میں کچھ بھی نہیں۔ ہمیں جتنے بھی فنڈز ملے ہیں، سب قانونی ہیں۔ پی ٹی آئی کو ممنوعہ فنڈنگ نہیں ہوئی۔ ہمارے وکیل نے ولی خان کیس کا حوالہ بھی دیا۔

ان کا کہنا تھا کہ اسکروٹنی کمیٹی کا ایک مینڈیٹ تھا، اُس نے اپنے مینڈیٹ سے تجاوز کیا ہے۔ ہمارا دامن صاف ہے۔ پاکستان کی عوام اور بیرون ملک پاکستانیوں نے پی ٹی آئی کا ساتھ دیا ہے۔