جامعہ کراچی خود کش دھماکے کی سی سی ٹی وی فوٹیج
کراچی: فوٹیج میں واضح طور پر دیکھا جا سکتا ہےکہ ہائی ایس وین جامعہ کراچی کے متعلقہ شعبہ کی طرف آرہی ہے۔
جامعہ کراچی میں ہونے والے خود کش دھماکےکی سی سی ٹی وی فوٹیج موصول ہوگئی۔
کراچی یونیورسٹی میں خاتون خودکش بمبار کی جانب سے چینی باشندوں کی گاڑی کو نشانہ بنانے کی سی سی ٹی وی فوٹیج سامنے آگئی ۔
فوٹیج میں واضح طور پر دیکھا جا سکتا ہےکہ ہائی ایس وین جامعہ کراچی کے متعلقہ شعبہ کی طرف آرہی ہے۔
جامعہ کراچی میں چینی اساتذہ کی وین پر حملہ خود کش تھا۔۔ واقعے کی سی سی ٹی وی فوٹیج جی ٹی وی نے حاصل کرلی#KarachiUniversity #BlastInKarachiUniversity #CCTV #GTVNews pic.twitter.com/WJ5THvwxKZ
— GTV Network (@gtvnetworkhd) April 26, 2022
گاڑی کے عقب میں موٹرسائیکلوں پر رینجرز اہلکار بھی آتے ہوئے دکھائی دیتے ہیں، اس دوران شعبہ کے باہر ایک لڑکی کو کھڑے دیکھا جا سکتا ہے، جونہی ہائی ایس گاڑی لڑکی کے قریب پہنچتی ہے تو خاتون خود کو دھماکے سے اُڑا لیتی ہے۔
دھماکے سے گاڑی کا سیدھی طرف کا حصہ بری طرح تباہ ہوجاتا ہے، گرد و غبار کے ساتھ ہی کیمرا بند ہوجاتا ہے اور گاڑی میں آگ لگ جاتی ہے۔
پولیس کے مطابق اس دھماکے کے نتیجے میں 4 افراد ہلاک اور تین زخمی ہوئے، ہلاک ہونے والوں میں 2 چینی خواتین اور ایک مرد شامل ہے۔
