آج ملک کو جن پہاڑ جیسے مسائل کا سامنا ہے یہ عمران خان کے پیدا کردہ ہیں

لاہور:  عمران خان کا مہنگائی کے خلاف احتجاج منافقت ہے

مسلم لیگ ن کی نائب صدر مریم نواز نے عمران خان کے مہنگائی کے خلاف ملک گیر احتجاج کو منافقت قرار دے دیا۔

سماجی رابطے کی سائٹ ٹوئٹر پر مریم نواز نے اپنے پیغام میں کہا کہ فتنہ خان کا مہنگائی خلاف احتجاج دراصل ان کے اپنے خلاف ہی احتجاج ہے، آج ملک کو جن پہاڑ جیسے مسائل کا سامنا ہے یہ فتنہ خان کے پیدا کردہ ہیں۔

ن لیگ کی نائب صدر نے لکھا کہ ’جو (عمران خان) کہتا تھا کہ میں آلو پیاز کے ریٹ پتہ کرنے نہیں آیا، اُسے اب سب یاد آگیا، اس سے بڑی منافقت کوئی اور نہیں ہوسکتی‘۔
واضح رہے کہ پاکستان تحریک انصاف کے چیئرمین اور سابق وزیر اعظم عمران خان نے پیٹرولیم مصنوعات کی قیمتوں اور مہنگائی میں ہوشربا اضافے پر حکومت کے خلاف اتوار کو ملک گیر احتجاج کا اعلان کیا ہے۔