کراچی: پی آئی اے ایمرجنسی رسپانس سینٹر میں ’’بلو لیول‘‘ ایمرجنسی الرٹ جاری کردیا گیا۔
قومی ایئرلائن (پی آئی اے) نے ایمرجنسی رسپانس سینٹر کو فعال کرکے الرٹ رہنے کی ہدایت کردی۔
پی آئی اے حکام کا کہنا ہے کہ پی آئی اے ایمرجنسی رسپانس سینٹر 24 گھنٹے این ڈی ایم اے کے ساتھ کوآرڈینیشن کرے گا، سیلاب متاثرین کی امداد ریلیف آپریشن کیلئے ایمرجنسی رسپانس سینٹر میں دوسرے درجے کا الرٹ جاری کردیا گیا ہے۔
پی آئی اے کا کہنا ہے کہ ملک بھر میں پی آئی اے ریلیف آپریشن میں این ڈی ایم اے کے ہمراہ مل کر کام کرے گا۔
حکام کا کہنا ہے کہ پی آئی اے ایمرجنسی رسپانس سینٹر میں ’’بلو لیول‘‘ ایمرجنسی الرٹ جاری کیا گیا۔
