روس سے تیل خریدنے کی صورت میں پیٹرول سستا ہونے کا امکان

اسلام آباد : روس سے طے معاہدے پر عالمی طاقتوں نے رکاوٹ نہ ڈالی تو عوام کو 42 روپے فی لیٹر تک ریلف مل سکتا ہے۔

ذرائع وزارت پٹرولیم کے مطابق روس سے سستا تیل خریدنے کے معاہدے پر عمل درآمد کی صورت میں روس سے 30 ڈالر فی بیرل تک تیل سستا ملے گا۔

ذرائع کا کہنا ہے کہ روس سے درآمد شدہ تیل کی قیمت تقریباً 182 روپے فی لیٹر تک ہو سکتی ہے۔ روس سے ساڑھے 65 ڈالر فی بیرل تک تیل درآمد ہونے کا امکان ہے۔

تمام بین الاقوامی ٹیکسز شامل کرکے پیٹرول کی ایکس ریفائنری قیمت 41 سینٹ فی لیٹر تک ہو گی۔ ڈالر ایکسچینج ریٹ کے مطابق پیٹرول کی ایکس ریفائنری قیمت 92 روپے 27 پیسے لیٹر بنتی ہے۔

پیٹرول پر فی لیٹر مقامی ٹیکس 90 روپے تک ہیں۔ درآمدی تیل آنے پر پیٹرول کی قیمت 42 روپے فی لیٹر کم ہو سکتی ہے۔