ٹی ٹی پی کے مسئلے سے نمٹنے کے لیے جامع طریقہ کار کی ضرورت ہے
واشنگٹن: پاکستان کی ترجیح ہے کہ افغانستان کے ساتھ سرحدی تنازعات بات چیت کے ذریعے حل ہوں
واشنگٹن میں وائس آف امریکا سے گفتگو کرتے ہوئے وزیر خارجہ بلاول بھٹو زرداری نے کہا کہ جہاں تک افغانستان کا تعلق ہے، میرا نہیں خیال کہ کوئی اس صورتحال کو دیکھنا چاہتا تھا، تاہم ہمیں اب درپیش صورتحال سے نمٹنا ہے۔
وزیر خارجہ نے کہا کہ جہاں تک ٹی ٹی پی کا تعلق ہے تو میں طویل عرصے سے یہ بات کہہ رہا ہوں کہ ہمیں اپنی پالیسی پر نظرثانی کرنی چاہیے، میں اپوزیشن میں بھی یہی بات کہتا تھا اور آج حکومت میں ہوتے ہوئے بھی یہی کہتا ہوں کہ ہمیں اس مسئلے سے نمٹنے کے لیے مزید جامع طریقہ کی ضرورت ہے۔
پاکستان کے وزیرِ خارجہ بلاول بھٹو زرداری نے کہا ہے کہ پاکستان کی ترجیح ہے کہ افغانستان کے ساتھ سرحدی تنازعات بات چیت کے ذریعے حل ہوں لیکن مذاکرات ہی واحد حل نہیں ہیں۔ بلاول سے محمد عاطف نے واشنگٹن کے تھنک ٹینک اٹلانٹک کونسل میں ان کی گفتگو کے بعد بات کی۔#PakAfghanBorder pic.twitter.com/jJKUwUTdRS
— VOA Urdu (@voaurdu) December 21, 2022
انہوں نے کہا کہ اس مسئلے کو ہمیشہ ہمیشہ کےلیے حل کرنے کےلیے آسان راستہ افغان عبوری حکومت کےساتھ تعاون کا ہے اور یہ میرا ترجیحی راستہ ہوگا لیکن اس مسئلے سے نمٹنے کا یہ واحد حل بھی نہیں ہے۔
