لاہور: پنجاب حکومت واپس لے کر ہی اسلام آباد جاؤں گا ، رن آف الیکشن میں ہم کامیاب ہوں گے
رانا ثناءاللہ کا کہنا ہے کہ ہمارے پاس 179 ارکان ہیں، رن آف الیکشن میں ہم کامیاب ہوں گے، پنجاب حکومت واپس لے کر ہی واپس اسلام آباد جاؤں گا۔
وفاقی وزیر داخلہ کا کہنا تھا کہ افسوس ہے کل میری گاڑی پر جوتا پھینکا گیا، جوتے مارنے والا بے چارہ عمران خان کے ہاتھوں گمراہ ہوا تھا۔
رانا ثناءاللہ کا کہنا تھا کہ پرویز الہٰی کے پاس 186 ارکان نہیں وہ اعتماد کا ووٹ نہیں لے سکتے، ہمارے پاس 179 ارکان ہیں، رن آف الیکشن میں ہم کامیاب ہوں گے، سپریم کورٹ کا فیصلہ پی ٹی آئی ارکان کے آڑے آرہا ہے، اب وہ اعتماد کا ووٹ نہ دے کر اپنے غم و غصے کا اظہار کر رہے ہیں۔
ان کا کہنا تھا کہ سلمان شہباز کی جہانگیر ترین سے یہ پہلی ملاقات نہیں، سلمان شہباز جہانگیر ترین سے پہلے بھی ملاقاتیں کرتے رہے ہیں، حمزہ شہباز اپنی والدہ کی عیادت کے لیے بیرون ملک میں مقیم ہیں۔
انہوں نے کہا کہ پنجاب حکومت واپس لے کر ہی اسلام آباد جاؤں گا۔
