بھارت کی ریاستی دہشت گردی کے شکار ایک اور ہمسایہ ملک میانمار سے بڑی خبر آگئی، میانمار فوج کی جانب سے بھارت سے منسلک سرحدی علاقے میں جدید لڑاکا طیاروں سے کارروائی کی گئی ہے۔
اس حوالے سے جاری تفصیلات کے مطابق فضائی حملوں میں تھانتلانگ میں چن نیشنل آرمی کے ٹھکانوں کو نشانہ بنایا گیا، اطلاعات کے مطابق بھارت کے اندر بھی کچھ کیمپوں کو نشانہ بنایا گیا ہے۔
حملے میں خواتین سمیت تنظیم سے منسلک متعدد دہشت گردوں کی ہلاکت کی اطلاعات ہیں جبکہ فضائی حملے میں تنظیم کے کیمپ وکٹوریا ہیڈ کوارٹرز کی متعدد عمارتیں اور گھر تباہ ہوئے۔
مکتی باہنی طرز پر میانمار کی سرحد پر بھارت نے مبینہ تربیتی کیمپ قائم کر رکھے ہیں، میانمار میں سیاسی عدم استحکام پھیلانے کیلئے چن نیشنل فرنٹ1988سے سرگرم ہے۔
چن نیشنل فرٹ نامی سیاسی تنظیم کا مسلح ونگ دہشت گردی میں ملوث ہے، مسلح ونگ چن نیشنل آرمی کے نام سے میانمارمیں دہشت گردی کارروائیوں میں ملوث ہے۔
میانمار میں دہشت گرد تنظیم کیخلاف کارروائی سے خطے کے امن کے بڑے دشمن بھارت کا چہرہ بے نقاب ہوگیا یہ بات ثابت ہوگئی کہ بھارت بطور ریاست پورے جنوبی ایشیا میں دہشت گردی کا کنٹرول روم ہے۔
پاکستان، افغانستان، سری لنکا اور خطے کے دیگر ممالک پہلے ہی بھارتی دہشت گردی کا نشانہ بنے ہوئے ہیں، میانمار کی حکومت بھی تنگ آکر بڑا ایکشن لینے پر مجبور ہوگئی۔
میانمار کے فوجی ایکشن سے بھارت کی دہشت گردی کا نیا چہرہ دنیا کے سامنے آیا، بھارت دہشت گردوں کو ہتھیار، تربیت اور وسائل فراہمی کیلئے پیسے کا بےدریغ استعمال کررہا ہے۔
کچھ عرصہ قبل برطانوی میگزین اکانومسٹ نے44بھارتی بینکوں کی مشکوک ٹرانزیکشنز کا پتہ چلایا تھا، یہ مشکوک ٹرانزیکشنز مبینہ طور پر دہشت گردوں کی مالی معاونت کے لیے کی گئی تھیں۔
بھارت کا آسام اور کرناٹکا میں دہشتگرد تربیتی کیمپ آپریٹ کرنے کا معاملہ عالمی سطح پر بھی اٹھایا جاچکا ہے۔
اس کے علاوہ نیپال بھی اپنی سرحد پر بھارتی دھونس دھمکیوں اور دہشت گردی کا شکار ہے، سرحدی علاقوں میں کشیدگی اور جھڑپیں معمول بن گئی ہیں۔
واضھ رہے کہ اروناچل پردیش میں بھی بھارت نے چین کے ساتھ بھی پنجہ آزمائی کی کوشش کی اور منہ کی کھائی، میانمار کے ایکشن سے یہ ثابت ہوا کہ خطے میں بھارتی بدمعاشی کو کوئی ملک برداشت کرنے کو تیار نہیں ہے۔
