پاکستانی یوٹیوبرز کے لیے خوش خبری

دنیا کی سب سے بڑی اسٹریمنگ ویب سائٹ یوٹیوب نے تصدیق کی ہے پاکستانی بھی فروری 2023 سے یوٹیوب شارٹس کے ذریعے پیسے کما سکیں گے۔

شارٹس اسٹریمنگ یوٹیوب ویب سائٹ کا نیا ورژن ہے، جہاں کانٹنیٹ کریئیٹرز مختصر ویڈیوز بنا کر شیئر کرتے ہیں۔

گزشتہ ایک سال سے یوٹیوب شارٹس کی مقبولیت میں اضافہ دیکھا گیا اور اب یوٹیوب نے اس سے پیسے کمانے کے فیچر کو بھی شروع کردیا۔

یوٹیوب کی جانب سے جاری مکمل پالیسی کے مطابق یوٹیوب شارٹس سے پیسے کمانے والے کانٹینٹ کریئیٹرز کو ویب سائٹ کے ضوابط کو تسلیم کرنا پڑے گا اور اس سے 18 سال سے کم عمر کانٹینٹ کریئیٹرز کو اپنے والدین کو بھی رضامندی کے ضوابط میں شامل کرنا پڑے گا۔

یوٹیوب کے مطابق شارٹس ویڈیوز پر بھی اب اشتہارات چلیں گے جس کی کمائی کا 45 فیصد کانٹینٹ کریئیٹرز کو فراہم کیا جائے گا۔

یوٹیوب نے بتایا کہ 10 لاکھ یوٹیوب شارٹس ویوز پر ایک کانٹینت کریئیٹر کو 900 امریکی ڈالر تک کی رقم فراہم کی جائے گی ، جبکہ یہ رقم کم یا زیادہ بھی ہوسکتی ہے۔

وٹیوب شارٹس کے لیے ویب سائٹ نے پالیسی بھی واضح کی ہے جس میں بتایا کہ ایسی ویڈیوز پر کمائی نہیں ہو سکے گی جو پہلے ہی یوٹیوب یا کسی اور پلیٹ فارم پر اپ لوڈ کی جا چکی ہوگی۔

ویب سائٹ نے پالیسی میں یہ بھی واضح کی ہے ایسی ویڈیو پر بھی کوئی کمائی نہیں کی جا سکے گی جو کسی فلم یا گانے کی کلپ کو ایڈٹ کرکے بنائی گئی ہوگی۔