وفاقی وزیر داخلہ اور مسلم لیگ پنجاب کے صدر رانا ثنا اللہ کا کہنا ہے کہ صدر عارف علوی ”آ بیل مجھے مار“ والے کام نہ کریں۔
اپنے بیان میں وفاقی وزیر داخلہ نے کہا کہ صدر مملکت ڈاکٹر عارف علوی آئین کی حد میں رہیں، صدر کے دفتر کو بلیک میلنگ کا اڈہ نہ بنائیں۔
رانا ثنااللہ نے کہا کہ الیکشن کی تاریخ دینے سے صدر کا کوئی لینا دینا نہیں، عارف علوی خوامخواہ ٹانگ نہ اڑائیں۔
وفاقی وزیر نے مزید کہا کہ صدر الیکشن کمیشن کو غیرقانونی اور غیر آئینی احکامات پر مجبور نہیں کر سکتا، الیکشن کمیشن آپ کا غلام نہیں کہ جو آپ کہیں وہ مانے۔
رہنما ن لیگ نے مزید کہا کہ عمران خان نے معیشت، خارجہ تعلقات اور قومی مفادات کو نقصان پہنچایا، اب ریاستی سربراہ کے منصب کو سازش کے لئے استعمال کر رہے ہیں۔
