لاہور: وائس چیئرمین پی ٹی آئی شاہ محمود قریشی سمیت دیگر رہنماؤں نے گرفتاری دیدی
شاہ محمود قریشی نے گرفتاری دے دی اور پولیس نے شاہ محمود قریشی کو قیدیوں والی گاڑی میں بٹھالیا۔
شاہ محمود قریشی کا کہنا تھا کہ کپتان کے جیل بھرو تحریک کے اعلان پر پہلے گرفتاری دی، تحریک کی قیادت کرتے ہوئے پہلی گرفتار ی دینے پر فخر ہے، امپورٹڈ حکومت کی لاقانونیت ختم ہونے تک تحریک جاری رہے گی۔
تحریک انصاف کی سینئر لیڈر شپ نے سب سے پہلے خود کو گرفتاری کے لیے پیش کر دیا لیکن پولیس غائب۔ #جیل_بھرو_خوف_کے_بت_توڑو pic.twitter.com/rGbE6vnHdq
— PTI (@PTIofficial) February 22, 2023
اس کے علاوہ اسد عمر، اعظم سواتی، عمر سرفراز چیمہ نے بھی گرفتار دے دی اور وین میں بیٹھ گئے۔
قیدیوں کو لے جانے والی وین کے اندر اور چھت پر پی ٹی آئی کے کئی کارکنان سوار ہوگئے ہیں۔
پولیس ذرائع کے مطابق مظاہرین کے خلاف باقائدہ مقدمات درج کیے جانے کا امکان ہے، سیاسی جماعت کے کارکنوں نے دفاع 144 اور 16 ایم پی او کی خلاف ورزی کی، پابندی کے باوجود احتجاج اور ریلی نکالی گئی۔
مظاہرین کی جانب سے قانون کو ہاتھ میں لیا گیا، پولیس نے مظاہرین کو باقاعدہ گرفتار کرنا شروع کردیا۔
