ریاض : سعودی وزارت حج و عمرہ کا کہنا ہے کہ زائرین اپنی سہولت سے جتنی بار چاہیں عمرہ ادا کرسکتے ہیں ۔
سعودی وزارت حج و عمرہ کی جانب سے جاری کیے گئے بیان کے مطابق عمرے کی ادائیگی کے لیے کوئی تعداد مقرر نہیں ہے .
عمرہ زائرین اپنی سہولت اور مرضی سے جتنی بار چاہیں عمرہ اد اکرسکتے ہیں تاہم عمرہ پر مٹ پر درج تاریخ اور وقت کی پابندی لازمی کرنا ہوگی ۔
وزارت حج و عمرہ کے بیان میں مزید کہا گیا ہے کہ وزٹ ویزا، سیاحتی ویزا یا ملازمت ویزا ہولڈرز کسی پابندی کے بغیر عمرہ ادا کرسکتے ہیں۔
عمرہ زائرین کے لیے ایک اوربھی سہولت دی گئی ہے جس میں عمرہ زائرین سعودی عرب سے واپسی کے لیے ٹرانسپورٹ وسائل بھی تبدیل کرسکتے ہیں۔
فضائی راستے سے آنے والے بحری یا بری راستے سے بھی واپس جاسکتے ہیں ۔ سعودی عرب ٓنے کے لیے کسی بھی انٹر نیشنل یا لوکل ائیر پورٹ کی پابندی بھی نہیں ہے ۔
سعودی عرب نے آن لائن ٹرانزٹ وزٹ ویزا سروس کا آغاز کیا ہے جس کا مقصد سعودی عرب جانے کے لیے خواہش مند افراد کو سہولت فراہم کرنا ہے ،
