کرکٹ کے میدان میں پروفیسر کے نام سے مشہور محمد حفیظ کے گھر پر چوری کی واردات

کرکٹ کے میدان میں پروفیسر کے نام سے مشہور محمد حفیظ کے گھر پر چوری کی واردات ہوئی ہے۔

چوری کی واردات ڈی ایچ اے فیز 4 لاہور میں واقع گھر میں ہوئی ہے۔ چور گھر کی پچھلی طرف سے کمرے کی کھڑکی توڑ کر اندر داخل ہوا۔

چور محمد حفیظ کے کمرے سے 5000 یو اے ای درہم، 20 ہزار امریکی ڈالر، 4 ہزار برطانوی پاونڈز اور 3 ہزار یورو کے علاوہ دیگر سامان بھی لے گیا ہے۔

محمدحفیظ نے چوری کا مقدمہ لاہور کے ڈیفنس اے تھانے میں درج کرادیا ہے۔ پولیس کا کہنا ہے کہ واقعے کی تفتیش شروع کردی گئی ہے، جلد ہی ملزم قانون کی گرفت میں ہوگا۔