پاکستان اہم فیصلوں اور امریکی مدد سے ترقی کی راہ پر گامزن ہو سکتا ہے، نیڈ پرائس

امریکی محکمۂ خارجہ کے ترجمان نیڈ پرائس کا کہنا ہے کہ ہم لاہور میں جھڑپوں کے بارے میں آگاہ ہیں اور ہم سب کو تحمل کا مظاہرہ کرنے کی ترغیب دیتے ہیں۔

واشنگٹن ڈی سی میں ہفتی وار پریس بریفنگ کے دوران نیڈ پرائس کا کہنا تھا کہ آئی ایم ایف سے فنڈنگ حاصل کرنے کے لیے پاکستان کو ہی اقدامات کرنا ہوں گے۔ پاکستان اس کے لئے بین الاقوامی مالیاتی ادارے (آئی ایم ایف) کے ساتھ طے کردہ اصلاحات کو مکمل کرنے کا عمل جاری رکھے۔

نیڈ پرائس کا کہنا تھا کہ ہمیں یقین ہے کہ اصلاحات لانے سے پاکستان میں سرمایہ کاری کے بہتر مواقع پیدا ہوں گے لیکن سرمایہ کاری سے زیادہ اہمیت ٹیکنالوجیز کی ہیں، انتظامی نظام میں بہتری سے غیر ملکی سرمایہ کاری آتی ہے۔

لاہور میں پی ٹی آئی کے کارکنوں اور پولیس کے درمیان جھڑپوں پر نیڈ پرائس کا کہنا تھا کہ ہم لاہور میں جھڑپوں کے بارے میں آگاہ اور سب کو تحمل کا مظاہرہ کرنے کی ترغیب دیتے ہیں۔ جو لوگ گزشتہ روز پرتشدد واقعات میں زخمی ہونے والوں کی جلد صحت یابی کی دعا کرتے ہیں۔