قومی اسمبلی کے 37 حلقوں میں ضمنی انتخابات ملتوی

 اسلام آباد: الیکشن کمیشن آف پاکستان نے قومی اسمبلی کے 37 حلقوں میں ضمنی انتخابات ملتوی کردیے۔

الیکشن کمیشن نے قومی اسمبلی کے 37 حلقوں میں ضمنی الیکشن عدالتی فیصلوں کی روشنی میں ملتوی کیے ہیں۔

ای سی پی نے اس حوالے سے نوٹیفکیشن بھی جاری کردیا ہے۔ ملتوی کیے گئے ضمنی الیکشن 16 اور 19 مارچ کو شیڈول تھے۔

اعلامیے کے مطابق الیکشن کمیشن نے قومی اسمبلی کے 37 حلقوں میں سے 24 خیبرپختونخوا میں ہیں۔

ای سی پی نے سندھ کے 9، اسلام آباد کے 3 اور بلوچستان کے ایک حلقے میں ضمنی الیکشن ملتوی کیا ہے۔