مسجد الحرام میں داخلے کے خواہشمند معذور افراد کیلئے اہم خبر یہ ہے کہ انتظامیہ نے ان کیلئے 8 دروازے مخصوص کردیئے، جہاں ریمپ اور سلائیڈز کی سہولت موجود ہے۔
مسجد حرام اور مسجد نبوی کے امور کی جنرل پریذیڈنسی نے معذور افراد کیلئے المسجد الحرام میں داخل ہونے کیلئے 8 دروازے مختص کردئیے ہیں۔
انتظامیہ کا کہنا ہے کہ اس اقدام کا مقصد معذور افراد کیلئے عبادات ادا کرنے کے عمل کو آسان بنانا، مقصد معذور افراد اور خدا کے قدیم گھر میں جانے والوں کیلئے پائیدار انسانی ترقی حاصل کرنا ہے۔
رپورٹ کے مطابق معذورافراد کیلئے مسجد حرام کے جو داخلی دروازے مختص کئے گئے ہیں، ان میں بالترتیب باب نمبر 68، 74، 79، 84، 89، 90، 93 اور 94 شامل ہیں۔
انتظامیہ کا کہنا ہے کہ معذورافراد کیلئے مختص کئے گئے دروازوں پر ریمپ اور سلائیڈز چلتی ہیں، ان دروازوں سے وہیل چیئر اور دیگر گاڑیوں کے داخل اور خارج ہونے کے بھی انتظامات کئے گئے ہیں۔
