زمان پارک میں جو کچھ ہوا اسے نظر انداز کرنا مشکل ہے، مریم نواز

مریم نواز شریف کا کہنا ہے کہ زمان پارک میں جو کچھ ہوا اسے نظر انداز کرنا مشکل ہے، یہ تربیت یافتہ دہشت گرد اور شرپسند ہیں، عمران خان نے ہمیشہ کالعدم جماعتوں کی حمایت کی۔

مسلم لیگ ن کی چیف آرگنائزر مریم نواز شریف نے ٹوئٹر پر زمان پارک آپریشن کی ویڈیو شیئر کردی۔ ساتھ ہی اپنے پیغام میں لکھا کہ جو کچھ ہوا اسے نظر انداز کرنا مشکل ہے، یہ لوگ سیاسی کارکن نہیں تربیت یافتہ دہشتگرد اور شرپسند ہیں۔

Watching the videos closely, it's hard to ignore the truth – these are NOT political workers. They are trained terrorists & miscreants recruited from banned outfits that IK has always been supportive of. The evidence speaks for itself. The state must act before it’s too late. pic.twitter.com/3g6nDUuH1w

— Maryam Nawaz Sharif (@MaryamNSharif) March 19, 2023

انہوں نے عمران خان پر تنقید کرتے ہوئے کہا کہ عمران خان نے ہمیشہ کالعدم جماعتوں کی حمایت کی ہے، ان لوگوں کو کالعدم جماعتوں سے بھرتی کیا گیا ہے۔

مریم نواز نے زور دیتے ہوئے کہا کہ ریاست کو کردار ادا کرنا ہوگا، اس سے قبل کے دیر ہوجائے۔

لاہور میں پولیس نے چیئرمین پی ٹی آئی عمران خان کی رہاش گاہ زمان پارک پر آپریشن کیا، جس میں اسلحہ سمیت کئی ممنوعہ اشیاء برآمد ہوئیں، انتظامیہ نے اس دوران تجاوزات توڑ دیں، مزاحمت کرنیوالے کئی افراد کو گرفتار کرلیا گیا تھا۔