عوامی عہدے پر خدمات انجام دینے کا موقع دینے کے لیے وزیراعظم کا شکرگزار ہوں
وزیراعظم شہباز شریف کےمعاون خصوصی فہدحسین نے استعفیٰ دے دیا ہے،
ٹویٹر پراپنے پیغام میں فہد نے لکھا کہ “میں نے ایک سال کی مدت کے بعد وزیراعظم کے معاون خصوصی کے عہدے سے استعفیٰ دے دیا ہے۔ مجھے عوامی عہدے پر خدمات انجام دینے کا موقع دینے کے لیے وزیر اعظم کا شکرگزار ہوں۔
فہد حسین کی وزیراعظم شہباز شریف سے ملاقات ہوئی ، جس میں شہباز شریف نے نیک خواہشات کا اظہارکیا۔
I have stepped down as Special Assistant to PM after productive stint of a year. Grateful to PM @CMShehbaz for giving me opportunity to serve in public office. I witnessed first-hand how PM navigated multiple fault lines in tough times. None other could have done it better.
— Fahd Husain (@Fahdhusain) April 4, 2023
گزشتہ سال مئی میں فہد حسین کو وزیر اعظم شہباز شریف نے پبلک پالیسی اور میڈیا کمیونیکیشن پر اپنا معاون خصوصی مقرر کیا تھا۔
فہد حسین اس سے قبل نجی چینلز کے ساتھ اہم عہدوں پر کام کر چکے ہیں اور اپنے کیریئر میں کئی اشاعتوں کے لیے بھی لکھ چکے ہیں، انہوں نے کئی کرنٹ افیئرز پروگرام کی میزبانی بھی کی ہے۔
یاد رہے گذشتہ ماہ کے آخر میں وزیر اعظم کے معاون خصوصی عرفان قادر نے اپنے عہدے سے استعفیٰ دیا تھا ،وزیر اعظم نے عرفان قادر کا بطور معاون خصوصی استعفیٰ منظور کرلیا۔
عرفان قادر وزیر اعظم کے معاون خصوصی برائے احتساب و داخلہ تھے، وزیر اعظم شہبازشریف نے عرفان قادر کو معاون خصوصی تعینات کیا تھا
