پاک فوج کے ساتھ ہوں، پارٹی ٹکٹ بھی واپس کررہا ہوں، سلیم اختر لابر

پاکستان تحریک انصاف کی جنوبی پنجاب سے بڑی وکٹ گر گئی، سابق رکن پنجاب اسمبلی سلیم اختر لابر نے بھی تحریک انصاف چھوڑنے کا اعلان کردیا

پی ٹی آئی چیئرمین عمران خان کی 9 مئی کو اسلام آباد ہائیکورٹ کے احاطے سے گرفتاری کے بعد مشتعل کارکنوں کی جانب سے پرتشدد احتجاج، عسکری و نجی تنصیبات پر حملوں، توڑ پھوڑ اور جلاؤ گھیراؤ کیا گیا تھا۔

جنوبی پنجاب سے تعلق رکھنے والے سابق رکن پنجاب اسمبلی سلیم اختر لابر نے بھی پاکستان تحریک انصاف چھوڑنے کا اعلان کردیا۔

ملتان میں میڈیا سے گفتگو کرتے ہوئے سلیم اختر لابر نے کہا کہ 9 مئی کے واقعات کی مذمت کرتا ہوں، ہم پاک فوج کے ساتھ ہوں، پی ٹی آئی چھوڑنے کا اعلان کرتا ہوں، اپنا پارٹی ٹکٹ بھی واپس کر رہا ہوں۔

ان کا کہنا ہے کہ آئندہ کے لائحہ عمل کا اعلان دوستوں سے مشورے کے بعد کروں گا، کسی قسم کا کوئی دباؤ نہیں، شرافت کے ساتھ سیاست شروع کی تھی، ایسی سیاست میں ہمارا کوئی کام نہیں ہے۔