لاہور: پاکستان قدرتی طور پر اپنی مثال آپ ہے، ہمیں امداد نہیں تجارت کے مواقع دیکھنے ہوں گے۔
پیپلز پارٹی کے شریک چیئرمین آصف علی زرداری نے کہا ہے کہ پاکستان کی ترقی کے لیے سب کو مل کر کام کرنا ہوگا، جھل مگسی میں کپاس کاشت کرانا چاہتے ہیں، پاکستان قدرتی طور پر اپنی مثال آپ ہے، ہمیں امداد نہیں تجارت کے مواقع دیکھنے ہوں گے۔
اپٹما اجلاس میں خطاب کے دوران انہوں نے کہا کہ میں آپ کو لیول پلیئنگ فیلڈ دوں گا، چارٹر آف اکانومی کرلیں، اس پر دستخطوں کے لیے تیارہوں، ملک میں عدم استحکام کی وجہ سے پاکستانی بیرونی ملک سرمایہ کاری کررہے ہیں، ہمیں امداد نہیں تجارت کے مواقع دیکھنے ہوں گے۔
آصف علی زرداری نے کہا ہے کہ میں میثاق جمہوریت پر بات اور دستخط کرنے کے لیے تیار ہوں۔
انہوں نے کہا پاکستان گولڈن باسکٹ ہے، اللہ نے پاکستان کو بے شمار وسائل سے نوازا ہے، میں نے برآمدات یورپ تک لے جانے کی کوشش کی، بنگلہ دیش کو بھارت کی پراکسی ہونے کا فائدہ ملتا ہے۔
شریک چیئرمین پیپلز پارٹی نے کہا ہے کہ مجھے کسی نے دھوکا نہیں دیا، میں ن لیگ کو دھوکا نہیں دوں گا۔
