اسرائیلی ٹک ٹاکر کا بے بس فلسطینی بچوں اور خواتین کا مذاق اڑانا
سفاک اسرائیلی ٹک ٹاکر نے بے بس فلسطینیوں پرمیمزبنا کراپنی ذہنی پستی اور نفرت انگیزی کا پتا دیا۔
ایک طرف غزہ میں خون میں نہائے فلسطینی بچے ہیں اور خواتین کی ادھڑی ہوئی لاشیں ملبے تلے دبی ہیں تو دوسری جانب اسرائیلی ٹک ٹاکر زندگی کی تمام تر عیاشیوں اور تن آسانیوں سے شادماں ہوکر ان کا تمسخر اُڑا رہے ہیں۔
سفاک دل اسرائیلی ٹک ٹاکرز نے فلسطینی خواتین کی آہ و بکا اور خوف زدہ بچوں کی چیخ و پکار پر میمز بنائیں اور انھیں سوشل میڈیا اکاؤنٹس پر ڈالیں۔ کمنٹس میں اُن جیسے ہی بدفطرت لوگوں نے قہقہے لگائے۔
An Israeli settler woman mocking the thousands of Palestinian mothers in #Gaza whose children were murdered in Israeli airstrikes and whose children are still buried under rubble as bombs continue to drop every 15 minutes. pic.twitter.com/omQWapNlYh
— PALESTINE ONLINE 🇵🇸 (@OnlinePalEng) October 21, 2023
میمز میں ظاہر کیا گیا کہ فلسطینی خواتین کی آہ و بکا ڈھونگ ہے اور بچوں کا بلکنا ڈراما ہے۔ ٹک ٹاکرز نے ایسی ویڈیوز بنائیں جس میں فلسطینی خواتین کا روپ دھارا اور یہ ثابت کرنے کی کوشش کی ایسے پروپیگنڈا کیا جا رہا ہے۔
احساس اور عقل و شعور سے عاری اسرائیلی ٹک ٹاکرز نے غزہ پر بمباری میں 7 ہزار سے زائد ہلاکتوں کو بھی جھوٹ قرار دیا۔
