الیکشن کمیشن نے انتخابی نشانات کی الاٹمنٹ کا وقت بڑھا دیا

الیکشن کمیشن آف پاکستان (ای سی پی) نے عام انتخابات کےلیے انتخابی نشانات کی الاٹمنٹ کا وقت بڑھا دیا۔

ترجمان الیکشن کمیشن کے مطابق الیکشن کمیشن نےانتخابی نشانات کےالاٹمنٹ کاوقت بڑھا دیا ہے، پارٹی ٹکٹ جمع کرانےکےوقت رات 7بجے تک بڑھایا گیا۔

واضح رہے کہ آئندہ ماہ 8 فروری کو ہونے والے عام انتخابات کے لیےالیکشن کمیشن آج انتخابی نشانات الاٹ کرے گا۔الیکشن کمیشن کے شیڈول کے مطابق گزشتہ روز کاغذات نامزدگی واپس لینے کا آخری روز تھا۔ کمیشن آج امیدواروں کو انتخابی نشانات الاٹ کرے گا۔

الیکشن،کمیشن کے مطابق مخصوص نشستوں کیلیے کاغذات نامزدگی کی جانچ پڑتال 13 جنوری تک ہو گی اور ریٹرننگ افسران کے فیصلوں کیخلاف اپیل 16 جنوری تک دائر کی جا سکے گی۔الیکشن کمیشن کا کہنا ہے کہ امیدوار اپنی انتخابی مہم 6 فروری تک چلا سکتے ہیں۔