ناصر راجہ کی عدم بازیابی کی صورت میں عدالت کا حلقے کے انتخابات ملتوی کرنے کا عندیہ

اسلام آباد: ناصر راجہ آدھے گھنٹے میں بازیاب نہ ہوئے تو حلقے کے الیکشن ملتوی کردیں گے

عدالت نے پی پی 11 کے امیدوار ناصر راجہ کی عدم بازیابی کی صورت میں حلقے کے انتخابات ملتوی کرنے کا عندیہ دے دیا۔

اسلام آباد ہائیکورٹ میں راجہ بشارت کے بھائی ناصر راجہ کی بازیابی کے حوالے سے دائر درخواست پر سماعت ہوئی، جس میں ایس ایس پی آپریشنز جج کے روبرو پیش ہوئے۔

ایس ایس پی آپریشنز نے عدالت کو بتایا کہ ناصر راجہ ہمارے پاس نہیں ہیں، اُن کی بازیابی کیلیے 15 پر کال چلی تھی۔
اسلام آباد ہائیکورٹ کے جج جسٹس ارباب محمد نے پی پی 11 کے امیدوار ناصر راجہ کو آدھے گھنٹے میں بازیاب کروا کے عدالت میں پیش کرنے کا حکم دیتے ہوئے کہا کہ اگر مغوی کو پیش نہ کیا گیا تو پی پی 11 کا الیکشن ملتوی کردیں گے۔

اس کے علاوہ عدالت نے الیکشن کمیشن حکام کو بھی آدھے گھنٹے میں اسلام آباد ہائی کورٹ طلب  کرلیا۔