پی ٹی آئی نے انتخابات میں ہونے والی مبینہ دھاندلی کے حوالے سے صدر مملکت کو آگاہ کیا

اسلام آباد: زیادتیوں کے باوجود عام انتخابات میں عوام نے تحریک انصاف  کے امیدواروں پر اعتماد کا اظہار کیا۔

ایوان صدر کی جانب سے جاری اعلامیے کے مطابق پی ٹی آئی کے وفد نے صدر مملکت عارف علوی سے ملاقات کی جس میں عام انتخابات میں ہونے والی مبینہ دھاندلی کے حوالے سے صدر مملکت کو آگاہ کیا گیا۔

پی ٹی آئی کے وفد نے صدر مملکت کو انتخابی عمل میں ہونے والی مبینہ بےضابطگیوں کے بارے میں پارٹی موقف سے آگاہ کیا اور مؤقف اختیار کیا کہ مختلف حلقوں میں جاری کردہ فارم 45 ہی انتخابی نتائج کے اصل حقائق بتاتے ہیں۔

وفد نے کہا کہ پارٹی کو دبانے ، انتخابی نشان چھیننے اور گرفتاریوں کے باوجود انتخابات میں کامیابی ملی۔