بانی پی ٹی آئی نے خود بھی سنی اتحاد کونسل سے اتحاد کو غلطی قرار دے دیا

راولپنڈی:  بات چیت مجلس وحدت مسلمین، سنی اتحاد کونسل اور شیرانی گروپ سے چلی تھی، غلطی یہ ہوئی کہ تینوں کے ساتھ اتحاد کرنا چاہیے تھا۔

اڈیالا جیل میں صحافیوں سے غیر رسمی گفتگو کرتے ہوئے بانی پی ٹی آئی عمران خان نے خود بھی سنی اتحاد کونسل سے اتحاد کو غلطی قرار دے دیا۔  بات چیت مجلس وحدت مسلمین، سنی اتحاد کونسل اور شیرانی گروپ سے چلی تھی، غلطی یہ ہوئی کہ تینوں کے ساتھ اتحاد کرنا چاہیے تھا۔

بانی پی ٹی آئی نے امریکا میں عالمی مالیاتی فنڈ (آئی ایم ایف) دفتر کے باہر پارٹی کے احتجاج کو بھی درست قرار دے دیا۔

عمران خان نے احتجاج کے دوران فوج مخالف بینرز سے اظہار لاعلمی کیا، پاکستان کو آئی ایم ایف سے قرض ملنے کی مخالفت ان الفاظ میں کی، کہ یہ قرض ملنے سے پہلے سیاسی استحکام ضروری ہے۔

صحافی کی جانب سے سوال کیا گیا کہ آپ نے خود آئی ایم ایف سے قرض کیوں لیا تھا؟