اسلام آباد: ٹریل فائیو سے لاپتہ 15سالہ طالبعلم کی لاش مل گئی

ٹریل فائیو سے لاپتہ 15 سالہ طالبعلم کی لاش مل گئی ۔ طہٰ کی لاش کو کھائی سے نکالنے کیلئے کوششیں جاری ہیں ۔ پولیس کے مطابق بظاہرطالبعلم پاؤں پھسلنے سے کھائی میں گرا۔

گلزار قائد راولپنڈی کے رہائشی 15 سالہ طٰہٰ جو ہفتہ کے روز دوستوں کے ساتھ مارگلہ ہلز ٹریل فائیو پر ہائیکنگ کے لیے آیا اور والدین کو جدائی کا صدمہ دے کر دنیا چھوڑ گیا۔

اسلام آباد پولیس نے تصدیق کی ہے کہ یہ لاش طٰہٰ کی ہی ہے، ترجمان کے مطابق بظاہر طالب علم راستہ بھٹک گیا تھا اور پاؤں پھسلنے کے باعث کھائی میں جا گرا، پولیس اور ریسکیو اہلکار رینجرز کی مدد سے لاش کو نکالنے کی کوششیں کر رہے ہیں۔

ریسکیو اہلکار کا کہنا ہے کہ سوجن ہے لیکن فی الحال کسی چیز کے کاٹنے کا نہیں پتہ۔ ڈیڈ باڈی واپس آئے گی تو پتہ چلے گا ابھی دو ڈھائی گھنٹے لگیں گے۔

غمزدہ لواحقین کو شک ہے کہ طٰہٰ کی موت حادثاتی نہیں بلکہ وجہ کچھ اور ہے، بچے کی خالہ نے خالہ نے دوستوں پر شک کا اظہار کردیا۔

تھانہ سیکرٹریٹ میں بچے کی والدہ کی مدعیت میں ابتدائی طور پر اغوا کی ایف آئی آر درج کی گئی تھی۔ پولیس ترجمان کا کہنا ہے کہ موت کی اصل وجہ کا تعین پوسٹمارٹم رپورٹ کے بعد ہوگا۔