عدالتی فیصلے پر عملدرآمد کروانے کیلئے چیف الیکشن کمشنر سے جواب طلب

لاہورہائیکورٹ نے مخصوص نشستوں کے فیصلے پر عملدرآمد کروانے کیلئے دائر درخواست پر گزشتہ سماعت کا تحریری حکم جاری کردیا۔

لاہور ہائیکورٹ کے جسٹس راحیل کامران شیخ نے شہری منیر احمد کی درخواست پر سماعت کا تحریری حکم جاری کیا۔ تحریری حکم میں کہا گیا کہ آئندہ سماعت پر چیف الیکشن کمشنر جواب جمع کروائیں۔ نے کیس کی مزید سماعت چار اکتوبر کو ہوگی ۔

درخواست،میں مؤقف اختیار کیا گیا کہ مخصوص نشستوں کے حوالے سے سپریم کورٹ کے 8 رکنی بنچ کا وضاحتی اور تفصیلی فیصلہ آچکا ہے۔ عدالت سپریم کورٹ کے فیصلے پر عملدرآمد کرواتے ہوئے پی ٹی آئی کو مخصوص نشستیں دینے کا حکم دے۔