وزیراعظم شہباز شریف کی نومنتخب امریکی صدر ڈونلڈ ٹرمپ کو مبارکباد

وزیراعظم شہباز شریف نے نومنتخب امریکی صدر ڈونلڈ ٹرمپ کو الیکشن میں دوسری بار کامیابی پر مبارک باد دی ہے۔

وزیراعظم شہباز شریف نے اپنے ٹویٹرپیغام میں لکھا کہ ڈونلڈ ٹرمپ نے امریکی انتخابات میں تاریخی کامیابی حاصل کی ہے۔ انہوں نے کہا کہ ہم نئی امریکی انتظامیہ کے ساتھ مل کرکام کرنے کے خواہاں ہیں۔ نئی امریکی انتظامیہ کے ساتھ تعلقات مزید مستحکم بنانے کیلئے پرعزم ہیں۔

واضح رہے کہ ڈونلڈ ٹرمپ ایک بار پھر امریکا کے صدرمنتخب ہوگئے،الیکٹورل ووٹوں کی تعداد مطلوبہ 270 سے تجاوز کرگئی،کاملا ہیرس 226 الیکڑول ووٹ ملے،ڈونلڈ ٹرمپ امریکا کے 47 ویں صدرہونگے،20 جنوری 2025 کو اپنے عہدے کا حلف اٹھائیں گے۔