سانحہ پارا چنار ، گاڑیوں پر حملے کے مزید 4 زخمی دم توڑ گئے

پارا چنار: سانحہ پارا چنارمیں جاں بحق افراد کی تعداد 50 تک جا پہنچی۔ 

جمعرات کی صبح ضلع کرم کے صدر مقام پاراچنار سے پشاور اور پشاور سے پاراچنار کے لیے 200 گاڑیوں پر مشتمل کانوائے روانہ ہوا تھا۔

ضلع کرم میں مسافر گاڑیوں پر حملے کے مزید 4 زخمی دم توڑ گئے، مجموعی طور پر سانحہ میں جاں بحق افراد کی تعداد 50 تک جا پہنچی۔

قبائل کے درمیان جاری تازہ جھڑپوں میں مزید 6 افراد جاں بحق ہوئے ہیں۔

ضلع کرم کے مختلف قبائل میں فائرنگ کا سلسلہ گزشتہ روز بھی جاری رہا، جھڑپوں میں گھروں اور دکانوں کو بھی نقصان پہنچا ہے۔