ضلع کرم میں قبائل کے درمیان جھڑپوں کا سلسلہ

ضلع کرم میں جھڑپوں کے نتیجے میں مجموعی طور پر 122 افراد جاں بحق اور 168 زخمی ہو چُکے ہیں۔

ضلع کرم میں قبائل کے درمیان جھڑپوں کا سلسلہ نویں روز بھی جاری ہے۔

کرم کے مختلف علاقوں میں فائرنگ کے واقعات میں مزید 12 افراد جاں بحق اور 17 زخمی ہو گئے۔
پولیس کے مطابق اب تک جھڑپوں کے نتیجے میں مجموعی طور پر 122 افراد جاں بحق اور 168 زخمی ہو چُکے ہیں۔

ضلع بھر میں موبائل اور انٹرنیٹ سروس معطل ہے جبکہ تعلیمی ادارے بھی بند ہیں۔

علاقے میں مرکزی شاہراہ اور پاک افغان خرلاچی بارڈر پر آمد و رفت تاحال معطل ہے، جس کی وجہ سے لوگوں کو شدید مشکلات کا سامنا ہے۔