میگا کرپشن کے مقدمات کو منطقی انجام تک پہنچانا نیب کی اولین ترجیح ہے، جسٹس جاوید اقبال

اسلام آباد: چیئر مین نیب جسٹس ریٹائرڈ جاوید اقبال نے کہا ہے کہ میگا کرپشن کے مقدمات کو منطقی انجام تک پہنچانا نیب کی اولین ترجیح ہے، بدعنوانی تمام برائیوں کی جڑ ہے جس کا خاتمہ نیب سمیت تمام پاکستانیوں کی ذمہ داری ہے۔جمعرات کو یہاں اجلاس سے خطاب کرتے ہوئے انہوں نے کہاکہ نیب’’ احتساب سب کیلئے‘‘ کی پالیسی پر سختی سے عمل پیرا ہے کیونہ فیس نہیں بلکہ کیس کو ٹھوس شواہد اور قانون کے مطابق منطقی انجام تک پہنچانے پر یقین رکھتا ہے۔

انہوں نے کہاکہ بدعنوانی تمام برائیوں کی جڑ ہے جس کا خاتمہ نیب سمیت تمام پاکستانیوں کی ذمہ داری ہے۔ انہوں نے کہاکہ نیب ملک سے بدعنوانی کے خاتمے کیلئے زیرو ٹالرنس کی حکمت عملی پر عمل پیرا ہے۔ انہوں نے کہاکہ ملک کی دولت لوٹنے والے بدعنوان عناصر‘ اشتہاری اور مغرور ملزمان کی گرفتاری کیلئے تمام قانونی تقاضے پورے کرنے پر یقین رکھتا ہے۔