سعودی ولی عہد نے خود کو سعودی عرب میں پاکستان کا سفیر کہہ کر پاکستانی عوام کے دل جیت لئے، عمران خان

اسلام آباد: وزیراعظم عمران خان نے سعودی ولی عہد کی پاکستان آمد پر کہا ہے کہ سعودی ولی عہد شہزادہ محمد بن سلمان نے پاکستان کے عوام کے دل جیت لئے ہیں۔ اپنے ٹویٹ میں وزیراعظم عمران خان نے کہاکہ گزشتہ روز میں نے سعودی ولی عہد شہزادہ محمد بن سلمان سے جب کہا کہ وہ سعودی عرب میں کام کرنے والے 25 لاکھ پاکستانیوں کے ساتھ اپنوں جیسا سلوک کریں تو انہوں نے اس کے جواب میں کہا کہ انہیں سعودی عرب میں پاکستان کا سفیر سمجھا جائے۔ وزیراعظم نے کہاکہ سعودی ولی عہد نے یہ کہہ کر پاکستان کے عوام کے دل جیت لئے۔